LatestNationalNewsNews

‘പ്രജാവേദിക’ ഇനി ഓർമയിൽ; ആന്ധ്രാ മുന്‍ മുഖ്യമന്ത്രി ചന്ദ്രബാബു നായിഡുവിന്റെ കെട്ടിടം പൊളിക്കാൻ മുഖ്യമന്ത്രി ജഗന്‍മോഹന്‍ റെഡ്ഡി ഉത്തരവിട്ടു; പൊളിച്ചുനീക്കല്‍ തുടങ്ങി

By Web Desk

ന്ധ്രാപ്രദേശ് മുന്‍ മുഖ്യമന്ത്രി ചന്ദ്രബാബു നായിഡുവിന്റെ കെട്ടിടമായ പ്രജാവേദിക പൊളിച്ചുതുടങ്ങി. എട്ടുകോടി രൂപ ചെലവഴിച്ച് പണികഴിപ്പിച്ച കെട്ടിടമാണ് പ്രജാവേദിക. മുഖ്യമന്ത്രി വൈ.എസ്. ജഗന്‍മോഹന്‍ റെഡ്ഡി കെട്ടിടം പൊളിച്ചുനീക്കാന്‍ തിങ്കളാഴ്ച ഉത്തരവിട്ടതിന് പിന്നാലെയാണ് പൊളിച്ചുനീക്കല്‍ തുടങ്ങിയത്.

നിയമങ്ങള്‍ ലംഘിച്ചാണ് പ്രജാവേദിക നിര്‍മിച്ചതെന്നും നിര്‍മാണത്തില്‍ അഴിമതിയുണ്ടെന്നുമാണ് സര്‍ക്കാരിന്റെ കണ്ടെത്തല്‍. ഇത്തരമൊരു കെട്ടിടം സാധാരണക്കാരൻ നിര്‍മ്മിച്ചാല്‍ സ്വീകരിക്കുന്ന നടപടികളാണ്
പ്രജാവേദികയുടെ കാര്യത്തിലും സ്വീകരിച്ചതെന്നാണ് മുഖ്യമന്ത്രിയുടെ പ്രതികരണം. ചന്ദ്രബാബുനായിഡുവിന്റെ വസതിയോട് ചേര്‍ന്നാണ് പ്രജാവേദിക എന്ന കെട്ടിടം പണികഴിപ്പിച്ചിരുന്നത്.

മുഖ്യമന്ത്രിയായിരുന്ന സമയത്ത് ഉപയോഗിച്ചിരുന്ന പ്രജാവേദിക തനിക്ക് ഇത്തവണയും ഉപയോഗിക്കാന്‍ അനുവദിച്ചുതരണമെന്ന് നായിഡു മുഖ്യമന്ത്രിയോട് ആവശ്യപ്പെട്ടിരുന്നു. പ്രതിപക്ഷനേതാവിന്റെ വീടിനോട് അനുബന്ധമായി പ്രജാവേദിക അനുവദിക്കണമെന്നും നിലവില്‍ പ്രതിപക്ഷ നേതാവായ അദ്ദേഹം അഭ്യര്‍ഥിച്ചു. എന്നാല്‍ നായിഡുവിന്റെ അഭ്യര്‍ഥനയെല്ലാം തള്ളിക്കൊണ്ടാണ് മുഖ്യമന്ത്രി കെട്ടിടം പൊളിച്ചുനീക്കാന്‍ ഉത്തരവിട്ടത്.

പ്രജാവേദിക പൊളിക്കാന്‍ ഉത്തരവിട്ടതിന് പിന്നാലെ ചന്ദ്രബാബു നായിഡുവിന്റെ കുടുംബത്തിന് ഏര്‍പ്പെടുത്തിയിരുന്ന ഇസഡ് പ്ലസ് സുരക്ഷ പിന്‍വലിക്കാനും ജഗന്‍മോഹൻ നിര്‍ദേശം നല്‍കി.

 

Like
Like Love Haha Wow Sad Angry
Tags
Show More

Related Articles

Close
Close