News in Brief
അമിത്ഷായ്ക്ക് ആഭ്യന്തരം, രാജ് നാഥ്സിംഗിന് പ്രതിരോധം, സ്മൃതിക്ക് സുപ്രധാന വകുപ്പ്: വിജയത്തിന് പകിട്ടേറ്റിയവരെ ഒപ്പം നിര്‍ത്താനൊരുങ്ങി മോദിതിരുവനന്തപുരം വിമാനത്താവളത്തിലെ സ്വര്‍ണ്ണക്കടത്ത്: കസ്റ്റംസ് ഉദ്യോഗസ്ഥന്‍ അറസ്റ്റില്‍; കേസ് സിബിഐ ഏറ്റെടുത്തേക്കുംമധുവിധുയാത്രക്കിടയില്‍ വാഹനാപകടം; മൈസൂരില്‍ 4 മലയാളികള്‍ മരിച്ചുകേന്ദ്രമന്ത്രിസഭാ യോഗം വൈകീട്ട് 5ന്, സത്യപ്രതിജ്‍ഞയില്‍ തീരുമാനമാകും: മോദിയും അമിത് ഷായും അദ്വാനിയെ സന്ദര്‍ശിച്ചുകര്‍ണ്ണാടക ഭരണം കൈക്കലാക്കാന്‍ ബിജെപി ശ്രമം ഊര്‍ജ്ജിതം; ഭരണം പോകാതിരിക്കാന്‍ ജെഡിഎസ്-കോണ്‍ഗ്രസ് നെട്ടോട്ടം; മുഖ്യമന്ത്രി സ്ഥാനം കോണ്‍ഗ്രസ് ഏറ്റെടുത്തേക്കും
LatestNationalNewsNews in Brief

അയോധ്യ ഭൂമിതര്‍ക്കകേസ് മധ്യസ്ഥതയിലൂടെ പരിഹരിക്കാന്‍ സുപ്രീംകോടതി ഉത്തരവ്; മധ്യസ്ഥസമിതി രൂപീകരിച്ചു; നാലാഴ്ചയ്ക്കകം കോടതിക്ക് പുരോഗതി റിപ്പോര്‍ട്ട് നല്‍കും

യോധ്യ ഭൂമിതർക്കകേസ‌് മധ്യസ്ഥതയിലൂടെ പരിഹരിക്കാന്‍ സുപ്രീംകോടതി മൂന്നംഗ സമിതിയെ നിയമിച്ചു. സുപ്രീംകോടതി മുൻ ജഡ്‌ജി ഇബ്രാഹിം ഖലീഫുള്ളയുടെ സാരഥ്യത്തിലാണ് സമിതി പ്രവര്‍ത്തിക്കുക. പ്രമുഖ അഭിഭാഷകൻ ശ്രീറാം പഞ്ചു, ശ്രീ ശ്രീ രവിശങ്കര്‍ എന്നിവരാണ് അംഗങ്ങള്‍.

ഒരാഴ്ചയ്ക്കുള്ളില്‍ മധ്യസ്ഥ ചർച്ചയ്‌ക്കായി ഫൈസാബാദിൽ ഒരുക്കങ്ങള്‍ തുടങ്ങും. നാല് ആഴ്‌ചക്കുള്ളിൽ സമിതി കോടതിക്ക് പുരോഗതി റിപ്പോർട്ട് നൽകണം. എട്ട് ആഴ്ച ആണ് മധ്യസ്ഥ ചർച്ചകൾക്ക് ആയി അനുവദിച്ചിരിക്കുന്നത്. ഇവര്‍ നടത്തുന്ന മധ്യസ്‌ഥ ചർച്ച മാധ്യമങ്ങൾക്ക്‌ റിപ്പോർട്ട്‌ ചെയ്യാന്‍ കഴിയില്ല.ചീഫ് ജസ്റ്റിസ് രഞ്ജൻ ഗോഗോയ്‌, ജസ്റ്റിസുമാരായ എ എസ്‌ ബോബ‌്ഡെ ,ഡി വൈ ചന്ദ്രചൂഡ‌് , അശോക‌് ഭൂഷൺ, എസ‌് അബ്ദുൾ നസീർ എന്നിവരടങ്ങിയ ഭരണഘടനാ ബെഞ്ചാണ്‌ ഉത്തരവിട്ടത്‌.

മധ്യസ്ഥ സമിതിക്ക് ആവശ്യം എങ്കിൽ കൂടുതൽ അംഗങ്ങളെ പാനലിൽ ചേര്‍ക്കാം. ഉത്തർപ്രദേശ് സർക്കാരാണ്‌ മധ്യസ്ഥ സമിതിയുടെ പ്രവര്‍ത്തനത്തിനുള്ള അടിസ്ഥാന സൗകര്യം നൽകേണ്ടത് . പാനലിന് ആവശ്യമാണെങ്കില്‍ അഭിഭാഷക സഹായം തേടാനും അനുവാദമുണ്ട്.

കേസിന്‍റെ വിചാരണാവേളയില്‍ മധ്യസ്ഥതയിലൂടെ തർക്കം പരിഹരിക്കാനുള്ള നീക്കത്തെ ഹിന്ദു സംഘടനകളും ഉത്തർപ്രദേശ‌് സർക്കാരും എതിർത്തിരുന്നു. എന്നാല്‍ സുന്നി വഖഫ‌് ബോർഡ‌് ഉൾപ്പെടെയുള്ള മുസ്ലിം സംഘടനകൾ നീക്കത്തെ സ്വാഗതംചെയ‌്തു.

സിവിൽ പ്രൊസീജ്യർ കോഡ‌് 89–-ാം വകുപ്പ‌ു പ്രകാരം തർക്കവിഷയം മധ്യസ്ഥതയിലൂടെ പരിഹരിക്കാന്‍ സാധ്യതകളുണ്ട്. അത്തരം സാധ്യതകളാണ‌് ചീഫ‌് ജസ്റ്റിസ‌് രഞ‌്ജൻ ഗൊയോയ‌് അധ്യക്ഷനായ അഞ്ചംഗ ഭരണഘടനാബെഞ്ച‌് പരിശോധിച്ചത‌്. തർക്കഭൂമി ശ്രീരാമൻ ജനിച്ച സ്ഥലമാണെന്ന വിശ്വാസത്തിൽനിന്ന‌് ഒരടിപോലും പിന്നാക്കം പോകില്ലെന്നാണ് രാമവിഗ്രഹത്തെ പ്രതിനിധാനംചെയ്യുന്ന ഹിന്ദുസംഘടനകൾക്ക‌ുവേണ്ടി മുതിർന്ന അഭിഭാഷകൻ സി എസ‌് വൈദ്യനാഥൻ വാദിച്ചത്. വേണമെങ്കില്‍ മറ്റേതെങ്കിലും സ്ഥലത്ത‌് പള്ളി പണിയാൻ സഹായങ്ങൾ നല്‍കാമെന്നും അദ്ദേഹം പറഞ്ഞിരുന്നു.

Like
Like Love Haha Wow Sad Angry
Tags
Show More

Related Articles

Close
Close